Pierachod dla žab źjaviŭsia na 197-m kiłamietry aŭtamahistrali M6 Minsk-Hrodna, piša grodnonews.by.
Pry rekanstrukcyi darohi ŭ rajonie nasielenych punktaŭ Vasiliški — Małoje Mažejkava Ščučynskaha rajona trapiłasia zabałočanaja miascovaść, jakaja mahła być adrezanaja dla mihracyi vialikaj papulacyi ziemnavodnych. U prajekt abnaŭleńnia darohi ŭklučyli zbudavańnie mihracyjnaha kalidora.
Na adlehłaści kala 400 mietraŭ uładkavali ścienki vyšynioj bolš za paŭmietra, kab žaby nie mahli vyjści na darohu, ale pa darožkach svabodna mahli prajści abo praskakać u padziemnyja truby.
Na dumku ekołahaŭ, takimi mihracyjnymi kalidorami karystajucca nie tolki žaby, jaščarki, vužy, ale i myšy.
0
0
0
0
0
0
