U novaj pieradačy «U abstanoŭcy miru» na telekanale STB abmiarkoŭvalisia pytańni hieapalityki, a taksama miesca Biełarusi ŭ siońniašnim śviecie.
Viadučy pieradačy, historyk, deputat Pałaty pradstaŭnikoŭ Ihar Marzaluk skazaŭ: «Što moža pabudzić suśvietnyja dziaržavy ŭsio ž sieści za stoł pieramovaŭ? My nie chočam być zakładnikami błokavaha supraćstajańnia, my nie chočam być linijaj abarony ničyjoj».
Na heta adreahavaŭ staršynia pastajannaj kamisii Savieta Respubliki pa mižnarodnych spravach i nacyjanalnaj biaśpiecy Siarhiej Rachmanaŭ.
Siarhiej Rachmanaŭ. Skryn z ctv.by.
«Ja tut nie raźličvaju na vysoki intelekt zachodnich krain. Praktyka ich dziejańniaŭ pakazvaje, na žal, što takoj intelektualnaj siły, jakaja ŭličvaje hłabalnyja intaresy čałaviectva, nie prahladajecca. Prahladvajucca intaresy ehaistyčnyja, nacyjanalnyja, karparatyŭnyja», — skazaŭ Rachmanaŭ.
Potym jon praciahnuŭ: «Treba, kab było ŭmacavańnie toj alternatyŭnaj siły, jakaja ŭžo farmirujecca ciapier. Patrebien aljans krain, jakija majuć alternatyŭnaje bačańnie, da ich liku adnosiacca takija bujnyja krainy, jak Kitaj, Rasija, a taksama krainy, jakija ich padtrymlivajuć. Biełaruś, naturalna, taksama padtrymlivaje hetuju liniju. Šmat kažuć pra multypalarny śviet, padobnaha rodu idei ŭźnikajuć. U lubym vypadku havorka idzie pra farmiravańnie takoj ideałohii, jakaja b adkazvała za intaresy ŭsiaho čałaviectva, a nie intaresam asobnych hiehiemonaŭ».
Siarhieju Rachmanavu 67 hadoŭ. Jon rodam z Krasnadara (Rasija). Doktar chimičnych navuk, prafiesar, člen-karespandent NAN. Byŭ namieśnikam staršyni prezidyuma Akademii navuk, pasłom Biełarusi ŭ Japonii.
