U noč na 7 červienia 20-hadovy žychar Śvietłahorska adpačyvaŭ u vioscy Chutar ź siabrami. Paśla naviedvańnia łaźni i ŭžyvańnia ałkaholu chłopiec sabraŭsia dadomu. Kali išoŭ pa vioscy, ubačyŭ kala adnaho z damoŭ «Falksvahien-Holf» 1987 hoda vypusku. Da rajcentra dabiracca pieššu nie chaciełasia, tamu vyrašyŭ dajechać na čužym aŭtamabili, paviedamlaje abłasnaja milicyja.
Zabraŭsia ŭnutr sałona, razabraŭ zamok zapalvańnia i pasprabavaŭ zavieści aŭto. Ale nie atrymałasia. Chłopiec lapnuŭ dźviaryma i pajšoŭ.
Ranicaj haspadynia mašyny ŭbačyła, što dźviery paškodžany, u zamku vyrvanyja draty i paviedamiła pra heta ŭ milicyju. Akramia hetaha ŭ mašynie jana znajšła barsietku z dakumientami: pašpartam, vajskoŭcam biletam i bankaŭskimi kartkami, jakija naležali adnamu čałavieku
Znajści jaho było nie składana.