Z 12 červienia Biełaruskaja čyhunka sumiesna z AAT «BPS-Śbierbank» ukaraniła ŭ ciahnikach haradskich linij sistemu apłaty prajezdu z vykarystańniem bieskantaktavych bankaŭskich płaciežnych kartak, a taksama smartfonaŭ, smart-hadzińnikaŭ i inšych mabilnych pryład, jakija padtrymlivajuć technałohiju NFC (Near field communication).
Upieršyniu ŭ krainach SND u čyhunačnym transparcie arhanizavana apłata prajezdu z dapamohaj bieskantaktavych bankaŭskich kartak. Heta ŭnikalny vopyt dla dalejšaha raźvićcia elektronnych sposabaŭ apłaty prajezdu ŭ ciahnikach, paviedamili ŭ pres-centry BČ.
Apłata prajezdu adbyvajecca pa poŭnym taryfie z vykarystańniem bieskantaktavych bankaŭskich płaciežnych kartak Visa payWave, MasterCard Contactless i BiełKart-Maestro. Zaraz u ramkach piłotnaha prajekta možna apłacić prajezd u ciahnikach haradskich linij bieskantaktavaj bankaŭskaj kartkaj, z vykarystańniem mabilnaj pryłady, što padtrymlivaje technałohiju NFC (smartfonam abo smart-hadzińnikam) (dalej — BBK), u miežach adnaho taryfnaha pojasa — na učastkach Minsk — Biełaruś, Minsk — Michanavičy i Minsk — Haradzišča. U płanach BČ ukaranić takuju sistemu na ŭsich učastkach kursiravańnia ciahnikoŭ haradskich linij.
Apłata ažyćciaŭlajecca pry pasadcy. BBK nieabchodna prykłaści da validatara ŭ vahonie elektraciahnika.
