Namieśnica dekana pa vychavaŭčaj rabocie Aŭtatraktarnaha fakulteta BNTU Alena Hrynievič zapałochvaje studentaŭ-vałancioraŭ Jeŭrapiejskich hulniaŭ. Jana padmanvaje, što im mohuć anulavać siesiju, kali jany nie źjaviacca navat na repietycyju pa siamiejnych abstavinach.
Skrynšot z kaardynacyjnaha vajbier-čata, u jakim Alena Hrynievič napisała svaje pahrozy, apublikavaŭ adzin telehram-kanał.
Alena Hrynievič, fota Minsknews.by
Voś što jana napisała:
«Darahija vałanciory. Vielmi prašu, nastojliva prašu ŭdzielničać va ŭsich mierapryjemstvach, na jakija prychodziać zaprašeńni ŭ asabisty kabiniet. VNU dadziena prava anulavać vyniki siesii vałancioram, jakija pa niejkich pryčynach nie pryjšli chacia b na adnu repietycyju abo skazali svaim kiraŭnikam, što ŭ ich siamiejnyja abstaviny. Učora pryjšoŭ śpis, na vialiki žal, tam jość adna z našych studentak. Jašče raz nastojliva prašu ŭsich naviedvać ŭsie mierapryjemstvy i pamiatajcie, što ŭ vas jość finansavyja abaviazki pierad dyrekcyjaj hulniaŭ, za jakija kožny adkazvaje asabista. Vieru ŭ vas i spadziajusia my hodna damo rady», — tak vyhladaje paviedamleńnie Hrynievič, jakoje trapiła ŭ internet.
Ci sapraŭdy ŭ BNTU mohuć anulavać vyniki siesii vałancioram?
Viadoma, što nie. Pra heta «Našaj Nivie» raskazaŭ pieršy prarektar Hieorhij Viaršyna.
«Takoha prava ni ŭ adnym univiersitecie niama! Heta niapraŭda! Ja zaraz pravieru hetuju samadziejnaść. Ale pakul ja sam nie bačyŭ, tamu schilny ličyć, što heta niejkija plotki», — skazaŭ Viaršyna.
Sama Hrynievič pakul niedastupnyja dla kamientara.
