Prajekt źmienaŭ u Zakon «Ab akazańni psichijatryčnaj dapamohi»:
- udakładniaje paradak vyjaŭleńnia dyjahnazu psichičnaha rasstrojstva;
- vyznačaje praviły transparciroŭki pacyjenta, jakomu akazvajuć ekstrannuju psichijatryčnuju dapamohu;
- pašyraje pieralik vypadkaŭ, u jakich spyniajecca dyspansierny nahlad za pacyjentam;
- udakładniaje paradak akazańnia psichijatryčnaj dapamohi pacyjentu, vypisanamu ź psichijatryčnaha stacyjanara.
- dazvalaje lekaram ahulnaj praktyki akazvać dapamohu pacyjentam ź niekatorymi formami psichičnych rasstrojstvaŭ;
- daje prava na psichijatryčnuju dapamohu kałonijam i damam-internatam;
- abaviazvaje prachodzić miedprafahlady ludziej, jakija ŭžyvajuć narkotyki i šmat pjuć.
Deputat Alena Anisim nahadała ministru achovy zdaroŭja Uładzimiru Karaniku, jaki pradstaŭlaŭ u parłamiencie zakon, što časam psichijatryčnuju dapamohu vykarystoŭvali dla baraćby z aktyŭnymi hramadzianami, i spytała, što harantuje abaronu ad padobnaha złoŭžyvańnia siońnia.
— Raspracoŭščyki zakona razumiejuć, nakolki heta dalikatnaja tema, — pahadziŭsia ministr. — U nas va ŭsich jość histaryčnaja pamiać.
Pavodle jaho słoŭ, z momantu pryniaćcia zakona ab psichijatryčnaj dapamozie nie było zafiksavana nivodnaha vypadku vykarystańnia dakumienta «dla tych dziejańniaŭ, pra jakija vy kažacie».
— Tyja źmieny, jakija prymajucca siońnia, ni ŭ jakim razie nie parušać abaronienaść našych hramadzian.