Rasijski aficer u adstaŭcy Siarhiej Dubinski pa mianušcy «Chmury», jaki padazrajecca ŭ krušeńni małajzijskaha Boeing na Danbasie, u kamientary Ruskaj słužbie Bi-bi-si admaŭlaje vystaŭlenyja jamu abvinavačvańni.
Dubinski, jaki ŭ pieršyja miesiacy bajavych dziejańniaŭ na Danbasie ŭznačalvaŭ «słužbu kontrvyviedki DNR», nazvaŭ abvinavačvańni «tryźnieńniem» i admoviŭsia supracoŭničać ź Mižnarodnaj śledčaj hrupaj i dać svaje pakazańni.
«Luby čałaviek, jaki maje choć niejkaje dačynieńnie da vojska, vam skaža, što načalnik kontrvyviedki, jaki adkazvaje za transparciroŭku, a tym bolš bajavoje prymianieńnie [ŭstanoŭki Buk] — heta z vobłaści navat nie fantastyki», — zajaviŭ Dubinski.
Jon taksama abvierh paviedamleńni ab dačynieńni jaho byłych padnačalenych Aleha Pułatava i Leanida Charčanki da krušeńnia pasažyrskaha samalota. Pavodle jaho słoŭ, «nie ŭ kampietencyi načalnika kontrvyviedki pieradavać (a tym bolš — addavać) zahady» pra pusk rakiety z ZRK Buk.
