Kiraŭnik Čačni Ramzan Kadyraŭ u svaim tielehramie padziakavaŭ Alaksandru Łukašenku za ŭručany orden Družby, a taksama zajaviŭ, što zaŭsiody ličyŭ i ličyć Biełaruś rodnaj krainaj.
«Alaksandr Ryhoravič udastoiŭ mianie vysokaha honaru być kavaleram ordena Družby narodaŭ. Za heta ja hłyboka ŭdziačny Alaksandru Ryhoraviču. Prezident Biełarusi jašče raz paćvierdziŭ svajo ščyraje žadańnie naviedać Čačniu, pabyvać u harach Kaŭkaza», — napisaŭ Kadyraŭ.
Taksama jon adznačyŭ, što Łukašenka vykazaŭ vialikuju padziaku za vyratavańnie hramadzian Biełarusi, jakija apynulisia ŭ niavoli ŭ Livii.
«Ja zaŭsiody ličyŭ i liču Biełaruś rodnaj krainaj, a da Alaksandra Ryhoraviča staŭlusia ź vialikaj pavahaj! Karystajučysia vypadkam, ja ščyra pavinšavaŭ Alaksandra Ryhoraviča ź pierakanaŭčaj pieramohaj biełaruskaj kamandy na adkrytym čempijanacie pa taktyčnaj stralbie ŭ Čačenskaj Respublicy. Dziakuj Vam, Alaksandr Ryhoravič! Vašu ŭznaharodu liču uznaharodaj dla ŭsioj Čačenskaj Respubliki!» — adznačyŭ kiraŭnik Čačni.
