Pjany mužčyna paspračaŭsia ź siabrami, što jamu «nie słabo» skoknuć z mosta.
U Žabincy (Bresckaja vobłaść) 39-hadovy miascovy žychar razam ź siabrami vypivaŭ pad mastom. Pryjacieli padbuchtorvali mužčynu skočyć z mosta ŭ vadu. Toj pahadziŭsia.
Pra toje, što na moście staić patencyjny samahubca, u milicyju paviedamili minaki. Kali milicyjanty pryjechali na miesca, pjany mužčyna ŭžo paśpieŭ pieraleźci cieraz parenčy.
Cikava, što jaho siabry chutka źbiehli, jak tolki pabačyli milicejskaje aŭto.
«Učastkovy inśpiektar Žabinkaŭskaha RAUS starejšy lejtenant milicyi Uładzimir Zaremba vybieh z słužbovaha aŭtamabila i ŭ apošni momant paśpieŭ schapić «skakuna» za ruku, tym samym praduchilić niaščasny vypadak», — paviedamlaje pres-słužba milicyi Bresckaj vobłaści.
Užo ŭ adździaleńni ŭ mužčyny ŭziali analiz na ałkahol: pakazała 1,5 pramile.
