Fota: belchemoil.by
Kamientujučy straty biełaruskaj naftapierapracoŭčaj haliny ad rasijskaha padatkavaha manioŭra, namieśnica staršyni kancernu «Biełnaftachim» Śviatłana Huryna raskazała belchemoil.by, što kiraŭnictva kancernu nie bačyć inšaha šlachu, aproč pierabudovy na pracu na ahulnasuśvietnyja padychody.
Čytajcie: Biełnaftachim acaniŭ straty Biełarusi ad padatkovaha manieŭru za 5 miesiacaŭ
Da 2024 hoda, kali padatkavy manieŭr zavieršycca i cana na naftu padymiecca na 127,7 dalaraŭ proci 2018-ha, biełaruskija NPZ ničym nie budzie adroźnivacca ad kantynientalnych NPZ inšych krain.
Adnosna cenaŭ paliva na AZS, Śviatłana Huryna adznačyła: «Da 2024 hoda va ŭmovach kupli NPZ nafty pa suśvietnaj canie ceny na biełaruskich AZS zapatrabujuć karekcyi ŭ bok pavieličeńnia ŭ zaležnaści ad rostu koštu nafty.
Prahnoz pakazvaje, što ich uzrovień zastaniecca nižejšy, čym u sumiežnych dziaržavach, akramia, viadoma, cen na rasijskim rynku, dzie pierapracoŭščykam nafty vyłučajucca biudžetnyja kampiensacyi dla strymlivańnia koštaŭ na matornyja palivy».
