Fota Nadziei Bužan
Prezident Słavakii Zuzana Čaputava prainfarmavała Alaksandra Łukašenku, što zroblenaje jamu śpikieram nacyjanalnaha parłamienta Andrejem Danka zaprašeńnie dla ŭdziełu ŭ kancy žniŭnia ŭračystaściach z nahody 75-hodździa Słavackaha nacyjanalnaha paŭstańnia supiarečyć dziaržaŭnamu pratakołu i mižnarodnaj praktycy, piša Tut.by sa spasyłkaj na hazietu «ŚMIE»
«Prezidenta [zamiežnaj dziaržavy] pavinien zaprašać prezident respubliki», — zajaviła Čaputava. Słavacki lidar taksama skazała, što pakul nie zaprašała nikoha sa svaich zamiežnych kalehaŭ na budučyja ŭračystaści. Nakont zaprašeńnia Łukašenki jana parazmaŭlała sa śpikieram parłamienta, jaki niadaŭna naviedaŭ Biełaruś.
Kiraŭnik MZS Słavakii Mirasłaŭ Łajčak, kamientujučy situacyju, skazaŭ, što Andrej Danka dapuściŭ dypłamatyčny pralik, zaprasiŭšy ŭ respubliku Alaksandra Łukašenku bieź viedama i zhody prezidenta.
Miž tym Danka hatovy pryniać Łukašenku ŭ jakaści svajho asabistaha hościa, kali biełaruski lidar vykaža namier udzielničać u śviatkavańni 75-hodździa Słavackaha nacyjanalnaha paŭstańnia. Pra heta vydańniu paviedamiŭ pres-sakratar śpikiera parłamienta Tomaš Kastelnik.
