Dniom 27 studzienia ŭ centry Minska supracoŭnikami milicyi była zatrymana hrupa fanataŭ maskoŭskaha chakiejnaha kłuba CSKA, jakija pryjechali na matč Kantynientalnaj chakiejnaj lihi ź miascovym «Dynama».
Jak paviedamili BiełaPAN u HUUS Minharvykankama, maładyja ludzi ŭ stanie ałkaholnaha apjanieńnia znachodzilisia ŭ bistro «Maksi Bis» u rajonie pierasiačeńnia vulicy Niamiha i praśpiekta Pieramožcaŭ. Ich pavodziny spravakavali vyklik administracyjaj ustanovy milicejskaha narada. Adnak fanaty navat u prysutnaści supracoŭnikaŭ orhanaŭ unutranych spraŭ pavodzili siabie zadzirliva, tamu milicyjaniery vymušany byli vyklikać dapamohu, skazaŭ surazmoŭca ahienctva.
Najbolš «aktyŭnych» rasijan advieźli ŭ Centralnaje RUUS, dzie ź imi praviali hutarku,
paśla čaho adpuścili biez składańnia pratakołaŭ.
Varta zaznačyć, što pierad matčami CSKA ŭ Minsku (27 studzienia) i Ryzie (29 studzienia) na sajcie kłuba źjaviłasia adozva da prychilnikaŭ kamandy: «Prafiesijny chakiejny kłub CSKA pierakanaŭča prosić usich tych, chto vyrašyŭ padtrymać kamandu svajoj prysutnaściu na vyjaznych matčach z «Dynama» (Minsk) i «Dynama» (Ryha), pavažać i vykonvać zakony zamiežnych dziaržaŭ, stavicca z pavahaj da nacyjanalnych asablivaściej dziaržaŭ, u jakich projduć matčy».
