Fundacyja Hienrycha Biola prapanuje piaci studentam ź Biełarusi, jakim pahražaje vyklučeńnie z navučalnaj ustanovy z palityčnych pryčynaŭ, ź zimovaha semestru 2006/2007 (pačynajecca ŭ kastryčniku 2006) adnahadovuju stypendyju na navučańnie ŭ Niamieččynie. Dla hetaha dziejničajuć zvyčajnyja dla Fundacyi terminy padačy dakumentaŭ i ŭmovy ŭdziełu (hladzi nižej). U pošuku navučalnych miescaŭ i padačy dakumentaŭ padtrymku mohuć akazać kantaktnyja asoby z partnerskaj arhanizacyi (hladzi www.pro-belarus.de).
U dadatak da navučańnia prapanujecca indyvidualnaja prahrama, jakaja ŭličvaje indyvidualnyja pažadańni i składajecca z kansultacyi ŭsich partnerskich arhanizacyj.
Stypendyja pakryvaje vydatki na žyćcio i składaje 615 eŭra ŭ miesiac.
Akramia hetaha, vypłočvajecca adnarazovaja startavaja dapamoha i dapłaty za medyčnaje strachavańnie. Košt dajezdu i zbory za navučańnie nia mohuć być vypłačanyja.
A. Termin padačy zajaŭki.
B. Metavaja hrupa i krytery adboru.
C. Dakumienty, jakija nieabchodna padać.
D. Važnyja zaŭvahi.
E. Kantakty, infarmacyja.
A Termin padačy zajaŭki:
— 30 červienia 2006.
B. Metavaja hrupa i krytery adboru:
— u metavuju hrupu ŭvachodziać studenty, jakim pahražaje prymusovaje adličeńnie, jakija chočuć ź zimovaha semestru 2006/07 praciahnuć u Niamieččynie navučańnie na atrymańnie dyplomu (h.zn., piaty ci siomy semestar) i na momant padačy zajaŭki navučajucca ŭ vyšejšaj navučalnaj ustanovie ŭ Biełarusi.
Krytery adboru: vydatnaja akademičnaja paśpiachovaść, hramadzianskaja aktyŭnaść i dastatkovyja viedy niamieckaj movy, kab navučacca ŭ Niamieččynie.
C. Dakumenty, jakija nieabchodna padać:
I. Tytulny arkuš (1 staronka) z nastupnymi źviestkami:
1. Proźvišča, imia;
2. Stały adras, telefon, numar faksu, elektronnaja pošta;
3. Data naradžeńnia;
4. Poł;
5. Hramadzianstva;
6. Siamiejny stan, kolkaść bratoŭ/siaścior, zaniatak baćkoŭ;
7. Atestat ab skančeńni škoły (kali atrymany, adznaki);
8. Universytet, fakultet, kirunak, katedra ŭ Biełarusi;
9. Pačatak navučańnia, ciapierašni pradmiet (pradmiety), jaki dyplom majecie atrymać u Biełarusi;
10. VNU, u jakoj chočacie praciahnuć navučańnie ŭ Niamieččynie; specyjalnaść, pa jakoj chočacie praciahnuć navučańnie ŭ Niamieččynie;
II. Matyvacyjny list (1—2 staronki):
z abhruntavańniem vašaj zajaŭki ŭ fundacyju;
z apisańniem hramadzka-palityčnaj i hramadzianskaj dziejnaści i stanu navučańnia, ułučna z asabistaj sytuacyjaj studenta/studentki ŭ Biełarusi i mahčymaj pahrozaj vyklučeńnia;
z abhruntavańniem Vašaha vybaru navučacca ŭ Niamieččynie, adlustravańniem raniejšych kantaktaŭ ź Niamieččynaj.
III. Aŭtabijahrafija ŭ formie tablicy (1 staronka):
sa źviestkami pra adukacyju, pracoŭny dośvied, praktyku, viedańnie movaŭ, inšuju dziejnaść.
IV. Apisańnie navučańnia da siońniašniaha momantu (1 staronka):
abhruntavańnie vybaru vyvučanaha pradmietu;
adlustravańnie asabistych akcentaŭ u navučańni i budučych planaŭ što da navučańnia i prafesii;
pieralik dasiahnieńniaŭ u akademičnaj dziejnaści.
V. Rekamendacyi ab udziele ŭ hramadzka-palityčnaj dziejnaści (1—2 staronki):
paćvierdžańnie i padrabiaznaje apisańnie hramadzka-palityčnaj i hramadzianskaj dziejnaści inšymi asobami, jakija dobra viedajuć zajaŭnika i mohuć dać zaklučeńnie pra jaho dziejnaść.
Asoba, jakaja daje rekamendacyju, moža, ale nia musić być siabram niejkaj arhanizacyi. Śviedčańni pra praktyku albo rekamendacyi ad čalcoŭ siamji spabornika nie prymajucca.
Rekamendacyja maje ŭtrymlivać:
apisańnie hramadzianskaj aktyŭnaści, asabliva ŭ jakich halinach zajaŭnik dahetul byŭ adkazny i što dakładna rabiŭ;
asabistaja acenka asablivych patrebaŭ zajaŭnika;
VI. Aktualny dopusk da pastupleńnia ŭ VNU (kali jość).
VII. Kopija atestatu ab zakančeńni škoły. Kali jość, kopija dakumentu ab zdadzienych ispytach u Biełarusi (usio pierakładziena i, kali mahčyma, zavierana nataryjalna).
VIII. Rekamendacyja vykładčyka VNU (kali mahčyma).
Źmiest: acenka akademičnaj paśpiachovaści i prahnoz, perspektyvy.
IX. Śviedčańnie ab viedach niamieckaj movy.
D. Važnyja zaŭvahi dla spabornikaŭ.
— Pra afarmleńnie dakumentaŭ: zajaŭka musić być napisanaja pa-niamiecku. Kali łaska, užyvajcie šryft nia mienšy za 11 punktaŭ.
My čakajem Vašaj zajaŭki elektronnaj poštaj u prymacavanym vyhladzie z usimi nieabchodnymi dakumentami ŭ farmatach pdf albo dos.
Na žal, niapoŭnyja zbory dakumentaŭ nia mohuć być apracavanyja.
— Pra časavyja ramki pryniaćcia rašeńnia: dacent Fundacyi praviadzie z Vami ŭ lipieni telefonnuju razmovu pra źmiest i intaresy Vašaha navučańnia i ŭchvalić Vaš vybar, kali Vy projdziecie pieršy adbor. Pra heta my paviedamim Vas u druhim tydni lipienia.
Narešcie, kamisija kančatkova prymaje rašeńnie pa Vašaj zajaŭcy. U kancy lipienia 2006 hodu Vy atrymajecie ad nas paviedamleńnie pra vyniki.
Kali Vašu kandydaturu adchilili: kali łaska, prosim Vašaha razumieńnia, što pry vialikaj kolkaści zajavak my, na žal, nia zmožam indyvidualna paviedamić Vas pra pryčyny adchileńnia Vašaj kandydatury.
Da abarony asabistych źviestak: usie źviestki pra Vas buduć zachoŭvacca ŭ prahramie administravańnia adresaŭ i buduć źniščanyja praz 6 miesiacaŭ. My harantujem Vam ananimnaść Vašaj zajaŭki.
E. Kantakty/infarmacyja
Kali łaska, skiroŭvajcie svaje zajaŭki pa elektronnaj pošcie (dadatki ŭ farmatach pdf albo doc) na adras:
Studienwerk der Heinrich-Boell-Stiftung
Betreff: “Bewerbung Pro Belarus”
e-mail: [email protected]
Dadatkovaja infarmacyja:
Brbel Karger, Tel. +49-30-28534-400, [email protected]
Paniadziełak, aŭtorak, čaćvier, piatnica ź 10:00 da 13:00 hadzinaŭ.
Infarmacyju pra akcyju Pro Belarus i dapamožnuju dziejnaść (naprykład, dapamohu ŭ abrańni miesca navučańnia) hladziecie na sajcie pro-belarus.de/
