Sietka Ikea zvolniła supracoŭnika, jaki na ŭnutranym forumie vykazaŭ mierkavańnie, što nibyta moža, pa mierkavańni kampanii, «parušyć pravy i hodnaść ŁHBT+». Ciapier supracoŭnik patrabuje, kab jaho viarnuli na pracu i vypłacili kampiensacyju. Šviedskaja kampanija śćviardžaje, što prablemaj nibyta byli nie pohlady supracoŭnika, a sposab vykazvańnia svajho mierkavańnia, piša Business Insider.
Zapis Tomaša K. byŭ kamientarom da artykuła, razasłanaha siarod supracoŭnikaŭ Ikea, jaki prapahanduje ideałohiju ŁHBT-ruchu. Čałaviek vykazaŭ svajo niehatyŭnaje mierkavańnie pa hetym pytańni, vykarystoŭvajučy frahmienty Biblii. Heta zajava pryviała da skasavańnia pracoŭnaha dahavora z Tomašam K. Vymovu vynieśli taksama ludziam, jakim spadabaŭsia vyšejzhadany zapis na forumie.
Zvolnieny supracoŭnik pracavaŭ u kramie Ikea u Krakavie. Jon padaŭ pazoŭ suprać Ikiea ad svajho imia ŭ rajonny sud u Krakavie. Hrošy ad kampiensacyi jon abiacaje pieraličyć na dabračynnaść.
Ikea u aficyjnaj zajavie adznačyła, što śviatkavała mižnarodny dzień baraćby z hamafobijaj, bifobijaj i transfobijaj. Z hetaj nahody kampanija apublikavała artykuł u intranecie, u jakim vykazała svaje kaštoŭnaści i pazicyi pa hetym pytańni.
«Supracoŭnik faktyčna vykarystaŭ cytaty sa Staroha Zapavietu ab śmierci, kryvi ŭ kantekście taho, što zdarycca z homaseksualnymi ludźmi», — piša Ikea.
Kampanija adznačaje, što ich palityka ŭ halinie pravoŭ čałavieka i roŭnaści nakiravana, u pryvatnaści, na niedapuščalnaść dyskryminacyi i vyklučnych pavodzin.
«My pavažajem ludziej usich vieravyznańniaŭ i cenim toj fakt, što my roznyja. Heta, adnak, nie aznačaje, što my padtrymlivajem vyklučnyja pavodziny ŭ imia luboha inšaha pohladu», — śćviardžaje Ikea.
Na hetuju historyju ŭžo adreahavała ministerstva justycyi Polščy, piša Polskaje radyjo.
Vice-ministr justycyi Marcin Ramanoŭski ŭ apublikavanaj u niadzielu, 30 červienia, admysłovaj zajavie napisaŭ, što jon z abureńniem uspryniaŭ infarmacyju pra dziejańni handlovaj sietki IKEA.
«Zvalnieńnie rabotnika pa pryčynie vykazanych im adnosin adnosna akcyi, jakaja prapahanduje ideałohiju ŁHBT, ja aceńvaju jak dyskryminacyju i parušeńnie svabody sumleńnia i vieravyznańnia», — napisaŭ Marcin Ramanoŭski. Jon taksama padkreśliŭ, što prasoŭvańnie ideałohii ŁHBT lažyć pa-za śfieraj abaviazkaŭ supracoŭnika, i što zhodna z polskaj kanstytucyjaj i kryminalnym kodeksam, nikoha nielha prymušać padtrymlivać dziejańni, jakija supiarečać jaho sumleńniu ci relihii.
Namieśnik ministra justycyi taksama paviedamiŭ, što ŭ prakuraturu pastupaje infarmacyja ab čarhovych rabotnikach sietki IKEA, jakija zajaŭlajuć pra parušeńnie svaich pravoŭ u suviazi z naviazvańniem im pohladaŭ, jakija supiarečać ich sumleńniu i vieravyznańniu.
