Usie novyja elektramabili, jakija pradajucca ŭ krainach Jeŭrasajuza, pavinny mieć hienieratar šumu matora. Novyja praviły nabyli moc 1 lipienia.
Na darohach Jeŭropy ŭsio bolš aŭtamašyn na elektryčnaj ciazie, i ich raspaŭsiudžvańnie vyklikała mnostva skarhaŭ na toje, što elektramabili jeździać praktyčna biasšumna.
U vyniku piešachody nie čujuć ich nabližeńnia, što vyklikaje rost DTZ.
Z hetaha času ŭsie novyja elektramabili ŭ ES pavinny pradavacca z hienieratarami šumu matora Avas, jaki budzie aŭtamatyčna ŭklučacca, kali mašyna jedzie zadnim chodam abo pierasoŭvajecca z chutkaściu mienš za 19 kiłamietraŭ u hadzinu.
Pry hetym kiroŭcy buduć mieć mahčymaść adklučać hienieratar šumu matora, kali jany paličać heta nieabchodnym. Jak budzie hučać elektramabil, možna pačuć tut:
Na bolš vysokaj chutkaści štučny huk budzie adklučacca, bo chutka mašyny jeździać jak praviła albo pa šašy, albo pa darohach, abstalavanych adpaviednymi piešachodnymi pierachodami i śviatłaforami.
Z 2021 hoda ŭsie elektramabili, a nie tolki novyja, pavinny buduć mieć sistemu Avas.
Brytanski ŭrad taksama maje namier zabaranić da 2040 hoda prodaž aŭtamabilaŭ z ruchavikami, jakija pracujuć na bienzinie abo dyzielnym palivie.
Da maja 2019 hoda elektramabili składali ŭsiaho 6,6% usiaho aŭtaparka Vialikabrytanii, adnak ich kolkaść chutka raście.