Siarhiej Raŭniejka, eks-pamočnik Alaksandra Łukašenki pa Hrodzienskaj vobłaści prysudžany da 12 hadoŭ źniavoleńnia z kanfiskacyjaj majomaści. Były kiraŭnik fiederacyi boksa Dźmitryj Cichamołaŭ atrymaŭ 2 hady źniavoleńnia.
Viarchoŭny sud abmiežavaŭ infarmacyju ab pracesie nad imi.
Siarhiej Raŭniejka.
Dźmitryj Cichamołaŭ.
Raŭniejku vinavacili ŭ atrymańni chabaru ŭ pamiery $200 tysiač. Pa infarmacyi telehram-kanała «Kulhavy djabał», hrošy jamu pieradavaŭ biznesmien Alaksiej Aleksin.
Siarhiej Raŭniejka jašče ad 2000-ych jon uznačalvaŭ hrodzienski Dziaržkantrol. U 2013 hodzie Raŭniejku pieraviali ŭ Minsk. U centralnym aparacie Dziaržkantrolu jon kuryravaŭ zachodni rehijon. A ŭ 2015-m Łukašenka pryznačyŭ jaho svaim pamočnikam usio pa toj ža Hrodzienščynie.
Čytajcie: «Pad dziasiatak aŭtamabilaŭ, pad dziasiatak kvater… Pavodziŭ siabie jak sapraŭdny bandyt» — Łukašenka pra svajho aryštavanaha pamočnika
Čytajcie: Chto taki Siarhiej Raŭniejka, zatrymany na chabary ŭ 200 tysiač dalaraŭ?
