2 lutaha, paniadziełak. 21.20. «Biez retušy»: «Ludzi staroj viery», dak. film, 2008 h.
Piotr Dziamienćjeŭ ź Vidzaŭ — nastaŭnik miascovaj hramady staravieraŭ. Svaje nabaženstvy hetaja parafija, što mieścicca pobač ź biełaruska-litoŭskaju miažoju, adpraŭlaje ŭžo ź dziesiać hadoŭ. Sami staraviery pachodziać z Rasii, pryjšli siudy adtul 300 hadoŭ tamu, ratujučysia ad dziaržaŭnaha pieraśledu paśla reformy Maskoŭskaje pravasłaŭnaje carkvy, jakuju pravioŭ patryjarch Nikan. Taho, chto admaŭlaŭsia malicca pa-novamu, carskija ŭłady hvałtam zmušali pryniać reformu, kali ž čałaviek usio roŭna trymaŭsia «staroje viery» — pazbaŭlali majomaści i navat karali śmierciu. Vialikaja kolkaść uciekačoŭ znajšła prytułak u Vialikim Kniastvie Litoŭskim. Čarhovaja chvala pieraśledu staravieraŭ uźniałasia pry savietach. Kamunisty niščyli ichnija cerkvy, prymušali vyračysia viery, zabirali ziamlu, vysyłali ŭ Sibir.
Adradžeńnie staravierskaje carkvy raspačałosia tolki na pačatku 1990-ch, najpierš dziakujučy dziejnaści takich ludziej, jak Piotr Dziamienćjeŭ, jaki ŭłasnym prykładam pierakonvaŭ navakolnych žycharoŭ viarnucca da viery prodkaŭ.