Dniom 14 lipienia ŭ Breście prajšli tradycyjnyja karmleńnie hałuboŭ i šeście pa horadzie ŭ znak pratestu suprać budaŭnictva pad Brestam akumulatarnaha zavoda, paviedamlaje «Briestskaja hazieta».
Fota: Briestskaja hazieta.
Udzieł u maŭklivaj akcyi pratestu ŭziali, pa roznych acenkach, ad 150 da 200 čałaviek. Siarod temaŭ, jakija abmiarkoŭvalisia — ekałahičnaja ekśpiertyza prajekta zavoda, treciaja pa liku, jakaja pavinna zaviaršycca na nastupnym tydni. Ludzi ŭ katory raz zajavili, što, niezaležna ad zaklučeńnia ekśpiertyzy, jany buduć praciahvać vychodzić na płošču, pisać zvaroty i nieści kruhłasutačnuju vartu kala zavoda, z fota- i videafiksacyjaj da taho času, pakul pradpryjemstva nie budzie zakryta.
Nahadajem, 14 červienia staršynia Bresckaha abłvykankama Anatol Lis prypyniŭ budaŭnictva akumulatarnaha zavoda da likvidacyi vyjaŭlenych parušeńniaŭ.
Pačynajučy z 4 sakavika minułaha hoda kožnuju niadzielu praciŭniki zavoda vychodziać na płošču Lenina pakarmić hałuboŭ i tym samym vykazać svoj maŭklivy pratest suprać zavoda. Za heta mnohich ź ich nie raz zatrymlivali i štrafavali.
