Pobač z Pałacam niezaležnaści vydzieleny ŭčastak dla ŭźviadzieńnia budynkaŭ dyppradstaŭnictva Abjadnanych Arabskich Emirataŭ. Jak stała viadoma TUT.BY, ziamla pieradadziena ŭ arendu amal na 49 hadoŭ z štohadovaj płataj u adzin dalar.
Vyjava: «Jandeks Karty». Učastak raźmieščany tut.
U kvadracie pamiž handlovymi centrami «Zamak» i Palazzo ŭžo pabudavanyja pasolstvy Kazachstana i Turkmienistana, a taksama aharodžvajecca placoŭka dla budučaha dyppradstaŭnictva Kitaja. Ale heta nie ŭsio.
Tak, pamiž budučym kitajskim i dziejnym kazachstanskim pasolstvami jość učastak ziamli ŭ 0,64 hiektara, jaki vyłučany dla budaŭnictva budynkaŭ pasolstva AAE.
Hetaja ziamla pieradadziena ŭ arendu dyppradstaŭnictvu Emirataŭ amal na 49 hadoŭ — z vosieni 2017 hoda da leta 2066-ha. Arendnaja płata — adzin dalar na hod, jak i ŭ vypadku z Kitajem.
Jak raspaviała REALTY.TUT.BY infarmavanaja krynica, prajekta pasolstva AAE pakul niama, dy i naohuł sprava znachodzicca ŭ padviešanym stanie.
— Jany vielmi zaniepakojenyja, što ich z dvuch bakoŭ zaciskajuć dźvie ambasady. Mahčyma, mohuć paprasić novuju placoŭku, — kaža surazmoŭca partała.
Zaraz ža pasolstva AAE raźmiaščajecca ŭ nievialikim asabniaku na vulicy Kujbyšava.
