Matacyklist z Salihorska zahinuŭ paśla sutyknieńnia ź lesavozam va Ukrainie. Infarmacyja pra heta źjaviłasia ŭ supołcy «Salihorskija aŭtaamatary». DTZ adbyłosia za niekalki kiłamietraŭ ad ukrainska-biełaruskaj miažy.
Miascovyja ŚMI paviedamlajuć, što avaryja zdaryłasia 25 lipienia kala 16.40 na aŭtadarozie Mahiloŭ-Padolski — Vystupovičy. Paviedamlałasia, što matacyklist atrymaŭ traŭmy i byŭ špitalizavany ŭ reanimacyju. Palicyjaj tady pačałosia dasudovaje rasśledavańnie.
Papiarednie ŭstanoŭlena, što kiroŭca matacykła «Suzuki Bandit», 37-hadovy biełarus, jaki ruchaŭsia pa aŭtadarozie, sutyknuŭsia z aŭtamabilem KAMAZ, jakim kiravaŭ 50-hadovy žychar Oŭruča, što vyjazdžaŭ na darohu ź lesu.
Zaviali kryminalnuju spravu pa artykule «Parušeńnie pravił biaśpieki darožnaha ruchu abo ekspłuatacyi transpartu asobami, jakija kirujuć transpartnymi srodkami» Kryminalnaha kodeksa Ukrainy.