Tady ŭłady Słonima paabiacali pierarabić nadpis na hrafici da 1 žniŭnia.
Jak vyśvietliłasia, novaja miatła pieradumała vykonvać raniejšyja abiacańni. Havorka idzie pra namieśnicu staršyni Słonimskaha rajvykankama Taresu Juškievič, jakaja zaniała pasadu z 8 lipienia 2019 hoda. Jana kuryruje, siarod inšaha, i pytańni ideałohii.
Taresa Juškievič. fota «Haziety Słonimskaj»
Voś što adkazała Taresa Juškievič čytaču «Našaj Nivy» Alaksieju Dužamu, jaki pytaŭsia pra situacyju z hrafici:
«U apošni čas u adras rajvykankama pastupiła niekalki zvarotaŭ nakont zachavańnia nadpisu na ruskaj movie, spasyłajučysia na histaryčnyja fakty i zakanadaŭstva Biełarusi, a taksama zachavańnie nacyjanalna-moŭnaj zhody ŭ hramadstvie. Tamu rajvykankamam pryniata rašeńnie pakinuć bieź źmienaŭ nadpis na hrafici».
***
Taresa Juškievič naradziłasia ŭ vioscy Charužava Vaŭkavyskaha rajona. Skončyła Brescki dziaržaŭny piedahahičny instytut. Pracavała nastaŭnicaj pačatkovych kłasaŭ u słonimskaj škole №6, paśla namieśnikam dyrektara škoły pa vučebnaj rabocie. U 1995 hodzie pieraviedziena mietadystam u adździeł adukacyi rajvykankama. Tut ža pracavała hałoŭnym śpiecyjalistam. Z 2012 hoda ŭznačaliła ŭpraŭleńnie adukacyi Słonimskaha rajvykankama i źjaŭlałasia jaho kiraŭnikom da ciapierašniaha pryznačeńnia.
