Siońnia stała viadoma, što abaronca apraŭdanaha Andreja Hałavača bolš nie źjaŭlajecca fihurantkaj kryminalnych spraŭ. Akazvajecca, znojdzieny pistalet Walter modie i patrony naležali pamierłamu mužu advakatki, a ŭ «vydavańni źviestak daznańnia» nie było składu złačynstva, piša Tut.by.
Fota: Darja Burakina, Tut.by.
— U dačynieńni da advakata advakackaha biuro «Pryncepskansałt» była spynienaja kryminalnaja sprava pa č.1 art. 407 KK (Vydavańnie źviestak daznańnia, papiaredniaha śledstva ci zakrytaha sudovaha pasiadžeńnia) praz małaznačnaść dziei. Jaje dziejańni nie mahli pryčynić hramadska-niebiaśpiečnych nastupstvaŭ, a ŭ zroblenaj dziei nie było składu złačynstva, — prakamientavali Tut.by u Hienieralnaj prakuratury.
Akazvajecca 9 lipienia pa rašeńni hienprakurora Alaksandra Kaniuka viedamstva pryniało kryminalnyja spravy ŭ dačynieńni da advakata — raniej ich rasśledavaŭ SK. Hienieralnaja prakuratura paśla pravierki spravy spyniła.
— Što tyčycca znojdzienych zbroi i patronaŭ, i zaviadzieńnia kryminalnaj spravy pa č. 2 art. 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ), rašeńnie było pryniata zaŭčasna, — adznačyli ŭ Hienprakuratury. — Pistalet i patrony naležali pamierłamu mužu advakata, tamu zaraz materyjał dla arhanizacyi dadatkovaj pravierki nakiravany ŭ Hałoŭnaje śledčaje ŭpraŭleńnie SK.
Čytajcie taksama: Raptoŭna rassypalisia kryminalnyja spravy suprać advakatki dvojčy apraŭdanaha inžyniera MZKC
