Druhaja rakietka Biełarusi Viktoryja Azaranka adoleła italjanku Kamiłu Džordžy ŭ pieršym kruzie turniru ŭ Taronta (pryzavy fond — 2,83 młn dalaraŭ) — 6: 2, 6: 2. Za vasiemnaccać hiejmaŭ Vika niavymušana pamyliłasia ŭsiaho piać razoŭ, piša tut.by.
U pačatku pieršaha seta Kamiła Džordžy (52 WTA) vyjhrała hiejm na padačy i vykanała zvarotny brejk, paśla čaho Viktoryja Azaranka (39 WTA) całkam kantralavała chod matču. Z vysokim adsotkam traplańnia pieršym miačom u kort na padačy (68%) Vika atrymlivała pieravahu ŭ rozyhryšach i aktyŭna zaviaršyła dziesiać ź ich. U siomym hiejmie Vika zarabiła dva schavanyja sietboły i na druhim prymusiła supiernicu prabić u sietku ŭ niepraciahłaj pierastrełcy. Na pieršym sietbole biełaruska padała na vylet — 6: 2.
Na starcie druhoj partyi dziaŭčyny znoŭ abmianialisia brejkami. Zatym Vika adarvałasia ŭ liku — 3: 1, a šosty hiejm i zusim uziała «pad nul» — 4: 2. U siomym hiejmie na druhim schavanym matčbole ŭ Viki Kamiła dapuściła dvajnuju pamyłku. Na matčbole u Azaranki Džordžy ryzykavała ŭ rozyhryšy i paśla vychadu ŭ zonu chaŭkorta prabiła ŭ aŭt.
Vynik pajadynku, jaki doŭžyŭsia 1 hadzinu i 12 chvilin, — 6: 2, 6: 2 na karyść Azaranki. Z pačatku siezona Vika atrymała 21 pieramohu, pryčym 3 ź ich — nad hulcami z top-10, i paciarpieła 15 paražeńniaŭ.
