Pra heta eks-prezident Kyrhyzstana raskazaŭ žurnalistam, piša RIA Naviny. «U maich prychilnikaŭ zbroi nie było, ja asabista stralaŭ padčas napadu», — skazaŭ jon. Adnak pry hetym Atambajeŭ zapeŭniŭ, što jon «staraŭsia nie traplać» u ludziej.
Prychilniki eks-prezidenta Atambajeva adbili šturm kyrhyzskaha śpiecnaza VIDEA
Parłamient Kyrhyzstana 20 červienia pieradaŭ u prakuraturu pieralik abvinavačvańniaŭ u adras Atambajeva, padrychtavany śpiecyjalnaj deputackaj kamisijaj. Były prezident moža być datyčny da karupcyi pry madernizacyi CEC Biškieka, vyzvaleńnia pa padroblenych miedycynskich listkach lidara złačynnaj hrupoŭki, niezakonnaha pieravodu ziamiel i inšych niezakonnych dziejańniaŭ. Atambajevu moža pahražać pažyćciovy termin.
Atambajeŭ nazvaŭ abvinavačvańni parłamientaryjaŭ «absurdnymi», zajaviŭ, što čysty pierad narodam i hatovy adkazać za ŭsie svaje ŭčynki na pasadzie prezidenta.
Ałmaźbiek Atambajeŭ uznačalvaŭ krainu z 2011 pa 2017 hod. Jon źjaŭlajecca adzinym usienarodna abranym prezidentam krainy, jaki dobraachvotna pieradaŭ uładu.
