Kampanii «Inter Tabakka» Alaksieja Aleksina dazvolenaja realizacyja vyklučnaha prava dziaržavy na ažyćciaŭleńnie impartu tytuniovaj syraviny. Heta vynikaje z prezydenckaha ŭkaza № 298 ad 7 žniŭnia 2019 hodu, piša radyjo «Svaboda».
Dakument pryniaty ŭ metach «stvareńnia dadatkovych umovaŭ dla vytvorčaści tytuniovych vyrabaŭ».
«Inter Tabakka» — novaje pradpryjemstva pa vytvorčaści tytuniovych vyrabaŭ vysokaha spažyvieckaha ŭzroŭniu, havorycca ŭ prafajle kampanii. Hod tamu stała viadoma, što «Inter Tabakka» zojmiecca vypuskam cyharet u pramzonie Šabany. Dla hetaha źmianili miežy Miensku. Abjom investycyj u prajekt aceńvaŭsia ŭ prykładna 100 miljonaŭ rubloŭ.
U śniežni 2017 hodu Alaksandar Łukašenka daručyŭ Aleksinu stvaryć «adzinuju tavarapravodnuju sietku» dla tytuniovaj pradukcyi na ŭnutranym i zamiežnym rynkach.
Kijoski «Tabakierka» ŭžo źjavilisia ŭ mnohich haradach Biełarusi i vyklikali pratesty ludziej. Suprać «Tabakierak» vykazalisia i ŭ Pałacie pradstaŭnikoŭ, ale miascovyja ŭłady admaŭlajucca prybirać kijoski z vulic. Mienharvykankam zabaraniŭ stavić «Tabakierki» ŭ centry horadu, ale ŭ astatnich miescach dazvoliŭ.
