Alaksandru Łukašenku dałažyli ab realizacyi dziaržaŭnych prahram u halinie uradavaj suviazi, pierśpiektyvach jaje raźvićcia, a taksama prademanstravali ŭzory techniki śpiecyjalnaj suviazi, raspracavanyja ajčynnymi pradpryjemstvami, paviedamlaje BiełTA.
Kiraŭniku dziaržavy taksama było dałožana ab raspracoŭcy sistem ruchomaj uradavaj radyjosuviazi, prademanstravana liniejka srodkaŭ suviazi i aparatury šyfravańnia, u tym liku abaronienaj mabilnaj telefonnaj suviazi.
Ajčynnymi pradpryjemstvami na bazie mikraaŭtobusa raspracavany vuzieł suviazi nastupnaha pakaleńnia, jaki płanujecca pryniać na ŭzbrajeńnie ŭ 2020 hodzie.
Na abjekcie taksama pakazali ruchomy kompleks techničnaha kiravańnia kontrterarystyčnaj apieracyjaj, zdolny ŭ tym liku zapuskać drony, vyjaŭlać i niejtralizavać bieśpiłotniki.
Padvodziačy vyniki, Łukašenka aryjentavaŭ kiraŭnikoŭ u hetaj śfiery da dalejšaje raźvićcio, paabiacaŭšy padtrymku na dziaržaŭnym uzroŭni.
«Na heta hrošaj škadavać nie treba, ja ćviorda pierakanany. Ale paśla taho, jak alternatyŭnyja padraździaleńnia mnie dałožać, što vy sapraŭdy efiektyŭnyja, vyčarpali ŭsiakija reziervy i vam patrebna dapamoha», - skazaŭ kiraŭnik dziaržavy.
Alaksandr Łukašenka taksama nahadaŭ ab daručeńni, jakoje było dadziena načalniku Apieratyŭna-analityčnaha centra Andreju Paŭlučenku padčas niadaŭniaha dakładu.
«Nam treba surjozna pahladzieć pa asobnych napramkach kantrolu - słychavoha, videa i hetak dalej. Tut nam treba daskanałaść, kab nie było razboju: zachacieŭ niejki načalnik kahości prasłuchać - prasłuchaŭ, potym pradaŭ infarmacyju abo kamuści raspavioŭ. Hetaha być nie pavinna.
Ja hetuju zadaču pastaviŭ, i vy pavinny jaje vyrašać. Usio pavinna być cyvilizavana i hodna. Hałoŭnaje — heta čałaviek. vy pavinny zabiaśpiečyć jaho poŭnuju biaśpieku, svabodu znosin. Nichto nie maje prava ŭłazić u jaho pytańni», — reziumavaŭ Łukašenka.
