Pavodle dadzienych apytańnia, jakoje ładziŭ aŭtarytetny polski Centar daśledavańniaŭ hramadzkaj dumki, Biełarusi bajacca 11 % palakaŭ.
Hałoŭnaj metaj pracy sacyjolahaŭ było daviedacca, što palaki dumajuć ab prymireńni Polščy ź Niamieččynaj i Ŭkrainaj, dačynieńniach z Rasiejaj, a taksama, jakich krainaŭ treba bajacca i chto źjaŭlajecca najvialikšym sajuźnikam Polščy.
Akazałasia, što ŭ prymireńnie ź Niamieččynaj vierać až 80% palakaŭ - heta amal udvaja bolš, čym u 1990 hodzie, a z Ukrainaj - 77%, tut, pavodle admysłoŭcaŭ, pracentaŭ dadała aranžavaja revalucyja.
Što da Rasiei, dyk bolšaść palakaŭ ličać, što partnerskija dačynieńni z hetaj krainaj «chutčej mahčymyja», adnačasova Rasiei bajacca až 59% apytanych, na druhim miescy ŭ hetym śpisie znachodzicca Niamieččyna - 23%, a na trecim - Biełaruś - 11% i potym užo arabskija krainy.
Admysłoŭcy Centru ličać, što kali na takija adnosiny da Rasiei i Niamieččyny ŭpłyvajuć pieradusim histaryčnyja faktary, dyk što da Biełarusi, tut pieravažaje sučasnaja palityčnaja sytuacyja ŭ hetaj krainie.
Ab tym, što Polšča ŭvohule nia maje vorahaŭ, zajaŭlajuć tolki 7% apytanych.
Admietna, što najvialikšym sajuźnikam palaki ličać ZŠA - štočaćvierty apytany, potym idzie Vialikaja Brytanija, Niamieččyna, Francyja i Ŭkraina - 6%.
Pavodle admysłoŭcaŭ, uvohule ciaham apošnich hadoŭ u staŭleńni palakaŭ da susiednich krainaŭ pačaŭ pieravažać bolš eŭrapiejski ład myśleńnia. Vyniki apošniaha apytańnia padobnyja da tych, što sacyjolahi atrymlivajuć i ŭ inšych krainach Eŭrapiejskaha Źviazu.
Eksperty zhodnyja, što ŭ cełym pohlad palakaŭ na svaich susiedziaŭ, asabliva ŭ paraŭnańni z tym, što było 17 hadoŭ tamu, možna nazvać aptymistyčnym.
