Pahroza prezidenta ZŠA Donalda Trampa rezka padniać kamisiju i taryfy za pieravody hrošaj u Hvatemału pryniesła respublicy amal miljard dalaraŭ, što stała druhim miesiačnym vynikam u historyi, paviedamlaje Bloomberg.
Mihranty z Hvatemały pačali bolš aktyŭna słać dadomu hrošy, choć haspadar Biełaha doma nie nazvaŭ ni terminy ŭviadzieńnia sankcyj, ni inšych detalaŭ. Kiraŭnik centrabanka respubliki Sierchia Resinas adznačyŭ, što słovy Trampa prynieśli jaho krainie karyść, prynamsi, na dadzieny momant. Jon dadaŭ, što svaju rolu ŭ stanoŭčaj dynamicy adyhrała i źnižeńnie biespracoŭja ŭ ZŠA.
Abjom pieravodaŭ u minułym lipieni vyras na 15,8 adsotka ŭ paraŭnańni z tym ža pieryjadam minułaha hoda i dasiahnuŭ 948 miljonaŭ dalaraŭ. Paśla hetaha ŭ Hvatemale pierahledzieli prahnozy pa hrašovych pieravodach na 2019 hod.
