Ministerstva antymanapolnaha rehulavańnia i handlu zaćvierdziła pavyšeńnie taryfaŭ na transparciroŭku nafty pa terytoryi Biełarusi z 1 vieraśnia na 3,7%.
«Skaračeńnie abjomaŭ transparciroŭki nafty ŭ II kvartale 2019 hoda ŭ suviazi z admovaj jaje pryjomu naftapierapracoŭčymi zavodami Polščy, Hiermanii, Čechii i Vienhryi z-za pavyšeńnia kancentracyi arhaničnych chłarydaŭ u rasijskaj nafcie pryviało da skaračeńnia prahnoznaha abjomu vyručki AAT «Homieltransnafta Družba» na 2019 hod, što moža pryvieści da nievykanańnia nieabchodnych mierapryjemstvaŭ pa inviestycyjnaj prahramie, nakiravanych na zabieśpiačeńnie ekałahičnaj biaśpieki i nadziejnaści transpartnaj sistemy AAT», - adznačyli ŭ MARH.
Dla častkovaj kampiensacyi niedaatrymanaj vyručki AAT «Homieltransnafta Družba» pastanovaj MARH praduhledžana pavieličeńnie z 1 vieraśnia taryfaŭ na transparciroŭku nafty na 3,7 pracenta.
Papiaredni raz taryfy mianialisia z 1 lutaha 2019 hoda.
Jak paviedamlałasia raniej, Biełaruś i Rasija ŭ pačatku žniŭnia ŭzhadnili pavyšeńnie taryfu na transparciroŭku nafty pa biełaruskaj terytoryi na 3,7 pracenta z 1 vieraśnia. Akramia taho, pa vynikach raboty ŭ 2019 hodzie budzie praviedzieny analiz situacyi z prapampoŭkaj nafty pa biełaruskaj častcy trubapravoda i vyznačany pamier dalejšaha źmianieńnia taryfaŭ.
