U Kapyli 3 žniŭnia mužčyna sprabavaŭ napaści z nažom na inśpiektara DPS, paviedamlaje milicyja.
Supracoŭnikam Kapylskaha RAUS pastupiła paviedamleńnie ad mužčyny pra toje, što jaho siabra ŭdaryli nažom. Na miesca złačynstva była nakiravana hrupa zatrymańnia adździaleńnia Departamienta achovy i narad DAI, jaki znachodziŭsia pobač.
Pravaachoŭniki znajšli złamyśnika. Da złačyncy padjechali milicejskija mašyny. Inśpiektar DPS ubačyŭ nož u rukach parušalnika, zapatrabavaŭ adkinuć jaho i lehčy na ziamlu, adnak toj pajšoŭ na supracoŭnikaŭ milicyi. Tolki paśla treciaha papiaredžańnia parušalnik kinuŭ nož i zdaŭsia pravaachoŭnikam.
Vinavatym u zdareńni akazaŭsia biespracoŭny niećviarozy žychar Kapyla, jaki na prypynku hramadskaha transpartu kala kramy «Praleska» pačaŭ prystavać da kampanii maładych ludziej. Tyja paprasili ich nie turbavać, tady mužčyna pajšoŭ dadomu i ŭziaŭ nož. Viarnuŭšysia na prypynak, jon paraniŭ adnaho z chłopcaŭ u vobłaść levaj ruki. Paciarpiełaha špitalizavali.
Zaviali kryminalnuju spravu pa č.3 art.339 KK (chulihanstva).