Mitynh suprać akumulatarnaha zavodu ŭ 2018 hodzie
Niahledziačy na patrabavańnie milicyi spynić niesankcyjanavanuju akcyju, u centry Bieraścia prajšoŭ čarhovy pikiet suprać akumulatarnaha zavodu. Heta ŭžo 197-y tydzień zapar, jak bieraściejcy vychodziać pratestavać.
Siońnia na płoščy było bolš za 150 čałaviek, pieradaje Radyjo Svaboda.
Maryja Hałaluk paśla naniesienaj joj čerapna-mazhavoj traŭmy pryjšła siońnia na sustreču i paviedamiła, što napisała zajavu ŭ milicyju. Pa hetym fakcie pravodzicca pravierka.
La akumulatarnaha zavoda ŭ Breście chulihan pabiŭ dziaŭčynu. Napadnik — biełaruskamoŭny mužčyna z «Pahoniaj»
Paśla sustrečy na płoščy, jakaja praciahvałasia prykładna da 12.40, praciŭniki zavoda znoŭ prajšli pa centralnych vulicach Bieraścia — Puškinskaj i Savieckaj da kinateatra «Biełaruś».
Akumulatarny zavod TAA «AjPaŭer» pabudavany na pramysłovaj placoŭcy «Aeraport» u SEZ «Brest». Na zavodzie planujecca naładzić poŭny cykł vytvorčaści śvincova-kisłotnych akumulatarnych batarej. Žychary Bieraścia i Bieraściejskaha rajona ličać, što pradpryjemstva pahražaje ich zdaroŭju. Aktyvisty vyjavili šerah parušeńniaŭ pry realizacyi prajekta.
