Mnohija źviarnuli ŭvahu, što papularny telehram-kanał 1863x byŭ pierajmienavany ŭ PALCHYS. Z čym heta źviazana? «Naša Niva» spytała ŭ šmathadovaha aŭtara 1863x.com Eduarda Palčysa.
«Źmianiŭ nazvu na bolš aktualnuju. Ja spyniŭ rehularna abnaŭlać sajt 1863x jašče letaś u listapadzie. Mahčyma, niekali ŭznaŭlu, kali znajdu dadatkovych aŭtaraŭ i čas», — adznačyŭ Palčys.
«Pisać ad imia mnostvaŭ rabotnikaŭ «redakcyi» durnavata i niazručna, nu i ŭ dopisach možna budzie nie kasić pad «infarmacyjnuju krynicu», a dadavać bolš asabistych mierkavańniaŭ», — patłumačyŭ Eduard.
Eduardu Palčys 28 hadoŭ, jon rodam ź Lidy. Pačynaŭ vieści sajt 1863x.com jak ananim, padpisvaŭsia nikam «Džon Silvier». U pačatku 2016 hoda Palčys byŭ zatrymany ŭ Rasii. Jamu prypisvali ekstremizm u niekatorych publikacyjach. U vyniku ŭ kastryčniku 2016 hoda Palčys byŭ prysudžany da 1 hoda i 9 miesiacaŭ «chimii» i vyzvaleny ŭ sudovaj zali.
