Stanisłaŭ Zaś u Biuro nacyjanalnaj biaśpieki Polščy. Fota: Biuro bezpieczeństwa narodowego.
Daradca prezidenta ZŠA pa nacyjanalnaj biaśpiecy Džon Bołtan sustreŭsia siońnia ŭ Varšavie z sakratarami Rad biaśpieki Biełarusi, Ukrainy i Polščy. Pra heta śviedčyć zdymak i podpis da jaho, jaki Bołtan apublikavaŭ u svaim tvitary.
«Ja vielmi rady pačać siońnia ŭ Varšavie razmovu z maimi polskim, ukrainskim i biełaruskimi kalehami. My padzialajem ahulnyja prablemy z nahody stabilnaści ŭ rehijonie i imkniemsia da ŭmacavańnia suverenitetu i biaśpieki našych narodaŭ», — napisaŭ Džon Bołtan.
Zdymak zrobleny ŭ ofisie Biuro nacyjanalnaj biaśpieki Polščy.
Infarmacyi pra sustreču ŭ biełaruskich aficyjnych krynicach pakul niama.
Napiaredadni, 30 žniŭnia, kiraŭnik Biuro nacyjanalnaj biaśpieki Polščy Pavieł Sołach sustreŭsia z sakratarom Rady biaśpieki Biełarusi Stanisłavam Zasiem. Razmova adbyvałasia pa asnoŭnych pytańniach dvuchbakovych adnosin i situacyi ŭ śfiery rehijanalnaj biaśpieki, paviedamlaje sajt polskaha viedamstva.
Fota: Biuro Bezpieczeństwa Narodowego
Stanisłava Zasia supravadžali namieśnik ministra zamiežnych spraŭ Biełarusi Aleh Kraŭčanka i pasoł Biełarusi ŭ Polščy Uładzimir Čušaŭ.
Fota: Biuro Bezpieczeństwa Narodowego
