vesti-ukr.com
Prezident Ukrainy Uładzimir Zialenski aburyŭsia sprobaj žurnalistaŭ zdymać jaho syna padčas śviatočnaj liniejki ŭ škole.
Na ŭvachodzie ŭ škołu ŭkrainskaha lidara čakali žurnalisty, ale prezident byŭ niezadavoleny ich sprobami sfatahrafavać Kiryła Zialenskaha, jaki sioleta pajšoŭ u pieršy kłas.
«Navošta vy majho syna zdymajecie?» — źviarnuŭsia Zialenski da žurnalistaŭ. A jaho žonka Alena zakryła rukoj abjektyŭ kamiery.
Na śviatočnaj liniejcy siamju kiraŭnika dziaržavy supravadžaŭ achoŭnik. Sam Uładzimir Zialenski raniej nie raz vykazvaŭsia suprać umiašańnia žurnalistaŭ u pryvatnaje žyćcio dziaciej.
Dzieci Zialenskaha vučacca ŭ pryvatnaj Novapiačerskaj škole. Starejšaja dačka Alaksandra ŭ hetym hodzie pierajšła ŭ vośmy kłas. Navučańnie ŭ škole płatnaje.
Baćki vučniaŭ płaciać ad 10 850 da 12 850 dalaraŭ ZŠA za hod.
U hetaj ža škole vučycca dačka byłoha premjer-ministra Ukrainy Uładzimira Hrojsmana.
