Facebook vyvučaje mahčymaść chavać kolkaść padabajek pad dopisami, piša TechCrunch.
Pieršaj prykmiety hetaj funkcyi vyjaviła Džejn Mančun Vonh — daśledčyk i śpiecyjalist pa zvarotnaj raspracoŭcy. Jana raspaviała, što vyjaviła ŭ kodzie prahramy Facebook dla Android funkcyju, anałahičnuju toj, što chavaje padabajki ŭ Instagram.
Pradstaŭnik Facebook paviedamiŭ TechCrunch, što, choć funkcyja i źjaviłasia ŭ prahramie, jaje testavańnie jašče nie pačałosia. U kampanii miarkujuć, što buduć rabić heta pastupova, ale mohuć spynić test, kali jon niehatyŭna adabjecca na rekłamie ŭ sacyjalnaj sietcy.
Nahadajem, raniej funkcyju chavańnia padabajek pačaŭ testavać Instagram. U apisańni funkcyi aŭtary adznačyli, što chočuć, kab karystalniki źviartali ŭvahu na kantent, a nie na kolkaść łajkaŭ. Pry hetym navat skrytyja łajki buduć upłyvać na raźmiaščeńnie dopisaŭ u «razumnaj» stužcy. Ciapier hetuju funkcyju vypraboŭvajuć u Kanadzie, Irłandyi, Italii, Japonii, Brazilii, Aŭstralii i Novaj Ziełandyi.
Padobny ekśpierymient prachodzić i ŭ sacyjalnaj sietcy «Ukantakcie».
