Prezident Rasii Uładzimir Pucin prapanavaŭ pierajmienavać rakietny kompleks «Bajterek», jaki budzie pabudavany sumiesna z Kazachstanam na kasmadromie Bajkanur, u honar Nursułtana Nazarbajeva, piša TASS.
Rasijski lidar razam ź pieršym prezidentam Kazachstana Nazarbajevym, meram Maskvy Siarhiejem Sabianinym i premjer-ministram Dźmitryjem Miadźviedzievym ahledzieŭ rekanstrujavany paviljon «Kazachstan» na VDNH.
Pucin pacikaviŭsia, čamu kompleks nazvali «Bajterek». Nazarbajeŭ rastłumačyŭ, što hetaje słova aznačaje «dreva žyćcia», a taksama raspavioŭ źviazanuju ź im lehiendu.
«Davajcie «Nursułtan» nazaviom. Vy ž rabili hety prajekt», — skazaŭ rasijski prezident. U adkaz Nazarbajeŭ adznačyŭ, što kompleks realizujuć praz partniorstva Rasii i Kazachstana, a taksama prapanavaŭ nazvać jaho pa-inšamu, naprykład pa jaho proźviščy.
