Mierkavany špijon CRU ZŠA Aleh Smalankoŭ nie mienš za piać hadoŭ pracavaŭ u aparacie pamočnika prezidenta Rasii pa zamiežnaj palitycy Juryja Ušakova. Pra heta paviedamlajuć «Viedomosti» sa spasyłkaj na krynicu, blizkuju da śpiecsłužbaŭ.
Smalankoŭ taksama pracavaŭ u pasolstvie Rasii ŭ ZŠA, kali pasłom byŭ Ušakoŭ, a zatym u aparacie ŭrada RF, dzie Ušakoŭ byŭ namieśnikam kiraŭnika.
U administracyi prezidenta, śćviardžaje krynica, Smalankoŭ mieŭ dostup «da vielmi adčuvalnaj infarmacyi», u tym liku da źviestak śpiecsłužbaŭ. Adnak inšaja krynica ŭ siłavych strukturach skazała, što ŭ Smalankova nie było dostupu da sakretnych źviestak, ale jon moh daviedacca takuju infarmacyju ŭ razmovach z kalehami.
0
0
0
0
0
0
