Fota wspolczesna.pl
Biełaruskaha palityka z Padlašša Jaŭhiena Čykvina abvinavačvajuć u supracoŭnictvie sa słužbaj biaśpieki PNR.
«Izydor», paśla «Vilhielm» — pad takimi psieŭdanimami nibyta supracoŭničaŭ sa słužbami biaśpieki PNR — ciapierašni deputat polskaha sojmu ad levych siłaŭ z Padlašša — Jaŭhien Čykvin. Pra heta paviedamiła biełastockaja štodzionka «Gazeta Współczesna».
Pavodle vydańnia, u archivach biełastockaha adździaleńnia Instytuta nacyjanalnaj pamiaci znachodzicca tečka z natatkami razmovaŭ supracoŭnikaŭ słužby biaśpieki ź Jaŭhienam Čykvinam, jakija pravodzilisia ŭ 1980-ja. Pavodle vydańnia, častka materyjałaŭ adnosna Jaŭhiena Čykvina była źniščana ŭ 1990 hodzie. Nahadajem, što sam deputat Čykvin užo raniej pry składańni lustracyjnych zajavaŭ, asprečvaŭ infarmacyi pra toje, što supracoŭničaŭ sa słužbami biaśpieki, pavodle «Gazeta Współczesna».
