Rasijskija sudnabudaŭniki ŭ 2020 hodzie zakładuć adrazu 22 nadvodnyja karabli, padłodki i dapamožnyja sudny dla VMF Rasii. Pra heta paviedamili tass.ru u čaćvier dźvie krynicy ŭ abaronna-pramysłovym kompleksie.
«Nastupny hod pavinien stać rekordnym pa kolkaści zakładzienych dla Vajenna-marskoha fłotu bajavych i dapamožnych adzinak. Na sudnabudaŭničych vierfiach płanujecca zakłaści ahułam 22 nadvodnyja karabli i katary, šmatmetavyja atamnyja i dyziel-elektryčnyja padvodnyja łodki, a taksama sudny dapamožnaha fłotu «, - skazaŭ surazmoŭca ahienctva.
Inšaja krynica nahadała, što ŭ śpis płanavanych da zakładki ŭ 2020 hodzie karabloŭ upieršyniu ŭ historyi rasijskaha vajennaha karablebudavańnia ŭklučanyja dva ŭniviersalnyja desantnyja karabli, jakija buduć zakładzieny ŭ Krymie na zavodzie «Zaliŭ».
«Taksama zapłanavanaja zakładka dvuch madernizavanych frehataŭ prajekta 22350 z 24 ŭdarnymi rakietami, dźviuch šmatmetavych atamnych padvodnych łodak, troch dyziel-elektryčnych padłodak», - raspavioŭ surazmoŭca.
U Abjadnanaj sudnabudaŭničaj karparacyi RF nie stali kamientavać infarmacyju.