U rasijskim zakanadaŭstvie nieabchodna praduhledzieć štrafy za ŭmiašalnictva ŭ spravy Rasii ŭ dačynieńni da takich kampanij, jak Google i Facebook. Pra heta zajaviŭ kiraŭnik kamisii Dziarždumy pa rasśledavańni ŭmiašańnia va ŭnutranyja spravy Rasii Vasil Piskaroŭ, piša RBK.
«Najlepšaje pakarańnie — heta štraf […] Hetyja kampanii kamiercyjnyja (Google, Facebook), tamu dla kamiercyjnych kampanij štrafy — heta surjoznyja miery reahavańnia i znoŭ ža heta praktyka suśvietnaja», — paviedamiŭ kiraŭnik kamisii.
Piskaroŭ taksama paviedamiŭ, što pradstaŭnikoŭ Google i Facebook zaprasili na nastupnaje pasiadžeńnie dumskaj kamisii pa rasśledavańni zamiežnaha ŭmiašańnia va ŭnutranyja spravy Rasii.
Raniej Raskamnahlad abvinavaciŭ Google i Facebook va ŭmiašańni ŭ vybary ŭ Rasii. Pavodle viedamstva, kampanii raspaŭsiudžvali palityčnuju rekłamu ŭ dzień cišyni.
