Poŭnym chodam idzie ŭborka ŭradžaju na ekśpierymientalnych palach Łukašenki, paviedamlaje jaho pres-słužba.
Kantrol i dohlad pasievaŭ ažyćciaŭlajuć vučonyja Navukova-praktyčnaha centra NAN Biełarusi pa bulbavodstvie i płodaaharodnictvie. Uradžajnaść pšanicy na prezidenckim ekśpierymientalnym poli ŭ hetym hodzie skłała 92 c/ha.
Aprabuje Łukašenka i vyroščvańnie fruktaŭ i jahad, jakija jašče ź dziasiatak hadoŭ tamu ŭ Biełarusi nazyvali ekzatyčnymi. Ciapier u Biełarusi navučylisia vyroščvać navat kavuny i dyni.
Sioleta nasieńnie bachčavych pryvieźli adrazu z Uźbiekistana. Pa prośbie Łukašenki jaho kaleha i siabar Šaŭkat Mirzijojeŭ prysłaŭ najlepšaje nasieńnie ŭźbiekskich dyń. Uradžaj litaralna niekalki dzion tamu sabrali ŭ ciaplicy Łukašenki.
U apošnija dni na prezidenckich palach pačałasia ŭborka bulby roznych sartoŭ. Jak tolki dazvalaje nadvorje i nasyčany hrafik, Łukašenka asabista ŭ poli.
