Vystava z unikalnymi materyjałami pra pačynalnika biełaruskaha nacyjanalnaha adradžeńnia Ivana Łuckieviča adčyniajecca ŭ Jeŭrapiejskim humanitarnym univiersitecie ŭ Vilni. Jana prymierkavanaja da Vośmaha Kanhresu daśledčykaŭ Biełarusi, što prachodzić 27—29 vieraśnia. Na Kanhres źjechalisia 520 daśledčykaŭ z usiaho śvietu.
Dziciačaje fota siamji Łuckievičaŭ.
Vystavu padrychtavali Ludvika Kardzis i Siarhiej Chareŭski. Pabačyć jaje možna na druhim paviersie hałoŭnaha korpusa EHU.
Ludvika Kardzis adnaŭlaje Biełaruski muziej u Vilni — zadumany Ivanam Łuckievičam.
Na vystavie «Ivanie, žyvi» padadzienyja dakumienty pra žyćcio dy pracu Łuckieviča sa zboraŭ Vilenskaha biełaruskaha muzieja, Litoŭskaha nacyjanalnaha muzieja, Litoŭskaha dziaržaŭnaha histaryčnaha archiva, Biblijateki Akademii navuk Litvy imia Urubleŭskich i Biełaruskaha dziaržaŭnaha archiva-muzieju litaratury i mastactva, a taksama pryvatnych kalekcyjaŭ.
Ułasnaručny malunak Ivana Łuckieviča.
Ivan Łuckievič źbiraŭ biełaruskija artefakty pa ŭsim śviecie, navat na aŭkcyjonach u Łondanie.
Materyjały vystavy čytaje biełaruska z Polščy, historyk z Hdańska Lena Hłahoŭskaja.
Ahledzieć vystavu možna budzie da 18 kastryčnika.
