Alaksandr Łukašenka prybyŭ z rabočym vizitam u Armieniju. Biełaruski bort numar adzin pryziamliŭsia ŭ mižnarodnym aeraporcie Jerevana Zvartnoc, pieradaje BIEŁTA.
Kiraŭnik krainy 1 kastryčnika voźmie ŭdzieł u pasiadžeńni Vyšejšaha Jeŭrazijskaha ekanamičnaha savieta ŭ Jerevanie.
Siońnia lidary krain JEAES sustrenucca za niefarmalnaj viačeraj, jakaja adbudziecca ŭ letniaj dziaržaŭnaj rezidencyi prezidenta Armienii la voziera Sievan. Čakajecca, što nieaficyjnuju častku samitu siońnia taksama naviedajuć prezident Małdovy Ihar Dadon, prezident Irana Chasan Roŭchani i premjer-ministr Sinhapura Li Siań Łun.
Zaŭtra jany voźmuć udzieł u pasiadžeńni VIEES: Ihar Dadon jak kiraŭnik dziaržavy — naziralnika ŭ sajuzie, lidary Irana i Sinhapura - u jakaści hanarovych haściej.