U centry rasijskaha Kurhana znajšli padpolny krematoryj, u jakim niekalki hadoŭ spalvali čałaviečyja pareštki, miedycynskija adchody i cieły žyvioł, piša Znak.com.
Vydańnie piša, što ŭ vieraśni da ich źviarnuŭsia miascovy žychar, jaki raniej pracavaŭ na pradpryjemstvie. Mužčynu zvolnili pa stanie zdaroŭja, dy jašče nie raźličylisia za adpačynak. Tady jon vyrašyŭ raspavieści, jak nasamreč pracavała ŭstanova.
Cech biez dachu raźmieščany pamiž dźviuma bujnymi balnicami, usiaredzinie «ŭsio davierchu zabita čałaviečymi pareštkami, amputavanymi kaniečnaściami, vydalenymi ŭnutranymi orhanami, ampułami z kryvioju i inšym», raspavioŭ mužčyna. Pavodle jaho słoŭ, miedycynskija adchody vazili «hruzavikami» i nie tolki z Kurhana, ale jašče ź Ciumieni i Čelabinska. Uletku pareštki nibyta hnijuć pad adkrytym niebam.
Mužčyna, jaki zhadziŭsia raskazać pra rabotu cecha, aścierahajecca, što ciažka zachvareŭ — pavodle jaho słoŭ, časam tudy pryvozili «suchotnyja lohkija».
Surazmoŭca vydańnia raspavioŭ, što placoŭka adnosicca da Centra ŭtylizacyi miascovych adchodaŭ, jak jon śćviardžaje, heta manapalist, utylizujuć usie adkidy balnic Kurhana nie mienš čym 15 hadoŭ. Jon upeŭnieny, što pra ŭstanovu viedaje i administracyja horada, i hałoŭnyja ŭračy, i siłavyja viedamstvy. Jon taksama źviarnuŭ uvahu na druhuju placoŭku. Tam žurnalisty vyjavili niekalki zakinutych cechaŭ, a taksama bijałahičnyja adkidy i impravizavanuju pieč sa «zvyčajnych bietonnych kolcaŭ». Na vytvorčaści nibyta pracuje «zvyčajnaja siamja — muž, žonka i maleńkija dzieci».
U meryi zajavili, što «šakavanyja» pačutaj infarmacyjaj i paabiacali «apieratyŭna razabracca», kamu naležyć učastak. U situacyju asabista ŭmiašaŭsia mer horada Andrej Patapaŭ i zajaviŭ, što vinavatych treba pakarać tak, kab «vušy adlacieli».
