SK
1 śniežnia ŭ vioscy Uchlaść Bychaŭskaha rajona było ździejśniena zabojstva 89-hadovaj žančyny. Pa padazreńni ŭ ździajśnieńni złačynstva byli zatrymanyja dvoje mužčyn, piša SK.
Na dačynieńnie 55-hadovaha mužčyny da zabojstva pakazvaŭ u chodzie dopytu jaho 30-hadovy znajomy. U svaju čarhu, starejšy mužčyna vinu kateharyčna admaŭlaŭ. Jaho niedatyčnaść paśla paćvierdziłasia i pakazańniami śviedak, jakija ŭ dzień złačynstva znachodzilisia pobač ź im, a taksama sabranymi pa spravie dokazami.
Nieŭzabavie, pry dadatkovym dopycie małodšy fihurant rastłumačyŭ, što abhavaryŭ svajho znajomaha z-za asabistych niepryjaznych adnosin. U dačynieńni da 55-hadovaha mužčyny kryminalny pieraśled byŭ spynieny.
U dzień zabojstva 30-hadovy dziaciuk pryjšoŭ dadomu da žančyny i pahrozami staŭ patrabavać hrošy i śpirtnoje
Žančyna słaba čuła, tamu jon pisaŭ joj cydułki z patrabavańniami. Atrymaŭšy admovu, mužčyna šturchnuŭ stareńkuju žančynu, ad čaho jana ŭpała na padłohu, a zatym nanios joj niekalki ŭdaraŭ pa hałavie. Ad atrymanych traŭmaŭ žančyna pamierła na miescy zdareńnia.
Paśla hetaha zabojca, abšukaŭšy kvateru, zabraŭ 115 rubloŭ, plašku harełki, kašalok i sumku.
Prysudam Mahiloŭskaha abłasnoha suda abvinavačany pryznany vinavatym va ŭčynienych złačynstvach i asudžany na 22 hadoŭ pazbaŭleńnia voli z adbyvańniem pakarańnia ŭ kałonii.
