Pra heta paviedamlaje Ministerstva zamiežnych spraŭ u svaim fejsbuku.
«Tolki za niapoŭnyja dva tydni hetaha miesiaca 18 hramadzianam Biełarusi na miažy było admoŭlena va ŭjeździe ŭ Izrail. 7 kastryčnika ŭ aeraporcie Tel-Aviva izrailskija mihracyjnyja ŭłady «zaviarnuli» adrazu 11 biełarusaŭ, jakija prybyli rejsam Belavia — Belarusian Airlines».
«Našy hramadzianie, jakija nakiroŭvalisia na adpačynak, na sustrečy z rodnymi, blizkimi i siabrami, u čakańni mahčymaści palacieć nazad na radzimu pa niekalki sutak znachodziacca ŭ centrach časovaha ŭtrymańnia.
Siarod viadomych nam pryčyn admovy va ŭjeździe niama nivodnaha faktyčnaha parušeńnia», — zaznačajecca ŭ paviedamleńni.
MZS padkreślivaje, što Biełaruś aktyŭna padtrymlivaje mižnarodnyja namahańni pa baraćbie ź nielehalnaj mihracyjaj, pavažaje suvierennaje prava dziaržaŭ matyvavana abmiažoŭvać ŭjezd na svaju terytoryju. Ale hetaja situacyja biesprecedentnaja.
Biełaruś nie źjaŭlajecca donaram nielehalnaj mihracyi. My zajmajem pieršaje miesca ŭ śviecie pa kolkaści vydadzienych šenhienskich vizaŭ na dušu nasielnictva z samym nizkim uzroŭniem admoŭ, što śviedčyć pra zakonapasłuchmianaść našych hramadzian. I takich prablem nie ŭźnikaje ŭ Respubliki Biełaruś ni z adnoj inšaj krainaj śvietu.
U hetaj suviazi siońnia ŭ MZS byŭ vyklikany pasoł Izraila ŭ Biełarusi, jakomu byŭ zajaŭleny pratest.
My išli na zaklučeńnie Pahadnieńnia ab biaźvizavych pajezdkach ź Izrailem, kab palehčyć i spraścić uzajemnyja kantakty hramadzian našych krain. Adnak izrailski bok svaimi dziejańniami dyskredytuje ŭvieś hety praces. Praktyka admovaŭ va ŭjeździe biełaruskim hramadzianam pačynaje nabyvać masavy charaktar i dla nas źjaŭlajecca pryncypova nieprymalnaj.
My nastrojeny na praciah dyjałohu i pošuk varyjantaŭ vyrašeńnia prablemy pry abaviazkovym uliku intaresaŭ adzin adnaho. Peŭnaje razumieńnie siońnia było dasiahnuta, adznačaje MZS
«Razam z tym, pakul idzie dyjałoh, chacieli b znoŭ źviarnuć uvahu Ministerstva sportu i turyzmu Respubliki Biełaruś, RSTA, turystyčnych kampanij, apierataraŭ i hramadzian Biełarusi na rekamiendacyi MZS ad 18 lipienia 2019 hodzie dla tych, chto płanuje pajezdku ŭ Izrail», — reziumuje zamiežnapalityčnaje viedamstva.