president.gov.ua
Alaksandr Łukašenka zaklikaŭ lidaraŭ krain SND padtrymać dziejnuju ŭładu va Ukrainie. Pra heta jon zajaviŭ na samicie krain Sadružnaści ŭ Ašchabadzie, paviedamlaje pres-słužba kiraŭnika dziaržavy.
«Niadaŭna ŭkrainskaja tema hučała. Chaču vykazać svaju pazicyju, pakolki jak prezident Rasii, tak i ja vielmi pahružanyja ŭ hetuju prablemu. Bo heta ŭ nas adbyvajecca. Kažučy ab novaj ŭładzie va Ukrainie, chacieŭ by i vas zaklikać padtrymać hetuju ŭładu. Vy bačycie tendencyju ŭžo zharnuć hetuju ŭładu, skrucić, zrynuć, ale my pavinny razumieć, chto paśla hetaha pryjdzie da ŭłady ŭ Ukrainie «, - skazaŭ biełaruski kiraŭnik.
Alaksandr Łukašenka zaklikaŭ sumiesna vyrašać zamarožanyja kanflikty na postsavieckaj prastory. «Razam byli, razam vajavali, a pahladzicie, što dziejecca na postsavieckaj prastory. Kolki takich kanfliktaŭ … Čamu my nie vyrašajem hetyja pytańni? Kali my na niešta zdolnyja, treba vyrašać hetyja prablemy, hetyja zamarožanyja kanflikty. Vyrašać sumlenna, spraviadliva», - zaklikaŭ biełaruski lidar.
«Nie treba stvarać situacyju, kali na dapamohu treba zaklikać ludziej z-za akijana: dapamažycie nam vyrašyć hetyja prablemy! Davajcie ich vyrašać sami i nie stvarać novyja!» — dadaŭ kiraŭnik dziaržavy.