Hierbavaja papiera dla pašpartoŭ skončyłasia ŭ Zimbabve. Pra heta paviedamiła ŭ subotu paŭdniovaafrykanskaja radyjostancyja SABC, piša tass.ru.
«U vyniku sotni tysiač ludziej apynulisia ŭ situacyi, kali jany nie mohuć vyjechać za miažu abo paćvierdzić svaju asobu pry padrychtoŭcy roznych jurydyčnych dakumientaŭ, a taksama adkryćci bankaŭskich rachunkaŭ», - zajavili na radyjostancyi.
Zimbabvijcy, jakija źviartajucca zaraz pa novy pašpart, daznajucca ad uładaŭ, što bližejšaja data mahčymaj vydačy dakumienta - heta 2021 hod.
Kolkaść zajavak na ekstrannuju vydaču pašpartoŭ dasiahnuła 280 tys.
Jak zajaviŭ vysokapastaŭleny zimbabvijski čynoŭnik, kraina zaraz sutykajecca z surjoznymi ekanamičnymi ciažkaściami, i va ŭrada jość pryjarytety pa raschodavańni valuty. Hierbavaja papiera, jakuju Zimbabvie nie vyrablaje, nie ŭvachodzić, pavodle jaho słoŭ, u pieralik žyćciova nieabchodnych impartnych tavaraŭ.
Novy deficyt pryvioŭ da źjaŭleńnia novaj prafiesii ŭ nacyjanalnaj ekanomicy Zimbabvie - pasłuhi ŭładalnika dziejučaha pašparta.
Biźniesmieny, jakija nie mohuć vyjechać z krainy, pasyłajuć zamiest siabie ludziej, jakija vałodajuć pašpartami. Apošnija ździajśniajuć usie nieabchodnyja dziejańni ad imia biznesoŭca i atrymlivajuć za heta dobruju płatu.
Jość i takaja pasłuha, jak pradstaŭnictva «ŭpaŭnavažanych asob» na ŭračystych ci inšych mierapryjemstvach, u tym liku na viasiellach i pachavańniach.
Zimbabvijec, jaki nie maje mahčymaści vyjechać z krainy da svajakoŭ za miažu, najmaje ŭładalnika pašparta, kab apošni zaniaŭ jaho miesca za stałom u svajakoŭ ci znajomych, kab nie pakryŭdzić ich svaimi razmovami ab niemahčymaści pryjechać z-za adsutnaści ŭ krainie hierbavaj papiery.
U trochi lepšym stanoviščy ludzi, što majuć dziejučy pašpart, biez svabodnych staronak dla piačatak.
Šmat kamu ŭdajecca pierakanać pamiežnikaŭ z susiednich krain stavić piačatku ab pierachodzie miažy na vokładku. Paśla hetuju piačatku možna ścierci i na jaje miesca inšy pamiežnik pastavić novuju pry čarhovym vyjeździe za miažu.
Na minułym tydni ŭ Zimbabvie adbyłosia pavyšeńnie taryfaŭ na elektraenierhiju na 320%. Adklučeńnia elektraenierhii na pradpryjemstvach i ŭ žyłym siektary Zimbabvie doŭžacca da 18 hadzin u sutki. U vyniku mnohija vytvorčaści vymušanyja pracavać tolki ŭnačy, kali popyt na elektraenierhiju słabieje.
Vystupajučy 1 kastryčnika ŭ parłamiencie sa zvarotam da nacyi, prezident Zimbabvie Emiersan Mnanhahva zaklikaŭ hramadzian nabracca ciarpieńnia ŭ čakańni vychadu krainy z ekanamičnaha kryzisu. Jon padkreśliŭ, što ekanomika Zimbabvie znachodzicca «ŭ napaŭmiortvych stanie».
U svaju čarhu rehulatar siektara finansavaj spravazdačnaści Zimbabve - Saviet hramadskich buchhałtaraŭ i aŭdytaraŭ abviaściŭ raniej, što nacyjanalnaja ekanomika ŭstupiła ŭ fazu hipierinflacyi. Druhuju za apošnija 20 hadoŭ.
Pieršy niekantralavany rost cenaŭ pačaŭsia ŭ Zimbabve ŭ 2005 hodzie i supaŭ ź biazvypłatnaj kanfiskacyjaj ziamli ŭ biełych fiermieraŭ. Inflacyja dasiahnuła piku ŭ 2008 hodzie - za $ 1 davali 2 621 984 228 zimbabvijskich dalaraŭ. Nacyjanalnaja valuta była admienienaja.
U červieni 2019 hoda CB adnaviŭ chadžeńnie zimbabvijskaha dalara. Pry hetym kurs zimbabvijskaha dalara byŭ ustanoŭleny na parytetnym uzroŭni z dalaram ZŠA. U piatnicu za $ 1 ZŠA davali 361 zimbabvijski dalar.
Ministerstva finansaŭ krainy ŭžo abjaviła, što ŭ listapadzie budzie ŭviedziena novaja hrašovaja adzinka.
