Japonskija navukoŭcy na praciahu niekalkich dziesiacihodździaŭ analizavali charčovyja zvyčki i chvaroby bolš čym 36 000 mužčyn. U vyniku jany vyjavili ŭzajemasuviaź miž spažyvańniem hryboŭ i kolkaściu vypadkaŭ raku prastaty.
Vyniki hetaha daśledavańnia byli apublikavanyja ŭ vieraśnioŭskim numary International Journal of Cancer.
Rak prastaty — adzin z samych raspaŭsiudžanych vidaŭ raku ŭ mužčyn.
«Łabaratornyja daśledavańni i daśledavańni na žyvych arhanizmach pakazali, što hryby vałodajuć ułaścivaściami, jakija praduchilajuć rak prastaty», kaža Šu Džań (Shu Zhang), prafiesar-asistent na kafiedry epidemijałohii adździaleńnia Health Informatics and Public Health u School of Public Health, Graduate School of Medicine univiersiteta Tahoku, i hałoŭny aŭtar daśledavańnia.
«Nakolki my viedajem, heta pieršaje padobnaje daśledavańnie prafiłaktyčnaha patencyjału hryboŭ u adnosinach da raku prastaty na papulacyjnym uzroŭni», — kaža Šu Džań. «Choć vyniki našaha daśledavańnia pakazvajuć, što rehularnaje spažyvańnie hryboŭ moža źnizić ryzyku raku prastaty, my chočam padkreślić, što zbałansavanaje i zdarovaje ŭ cełym charčavańnie našmat važniejšyja dla zdaroŭja, čym hryby», — adznačaje aŭtar daśledavańnia.
