Baki dasiahnuli pahadnieńnia, jakoje pavinna dapamahčy kurdam adbić nastup Turcyi. Raniej stała viadoma, što siryjskija vojski rušyli ŭ paŭnočnyja častki krainy.
U ramkach pahadnieńnia, dasiahnutaha pamiž kurdskimi hrupoŭkami i Damaskam, uradavyja vojski Siryi buduć raźmieščany pa ŭsioj daŭžyni siryjska-tureckaj miažy, kab dapamahčy adbicć nastup Turcyi. Pra heta havorycca ŭ zajavie kurdskaha boku, paviedamlaje Reuters.
Razhortvańnie vojskaŭ padtrymaje «Siryjskija demakratyčnyja siły» (SDS) u ich supraćstajańni z «ahresijaj i paspryjaje vyzvaleńniu rajonaŭ, kudy ŭvajšła tureckaja armija i najomniki», havorycca ŭ zajavie.
Raniej stała viadoma, što siryjskaja armija rušyła ŭ paŭnočnyja častki krainy, kantralavanyja kurdami. Ci było niejkaje pahadnieńnie pamiž Damaskam i kurdskimi hrupoŭkami, zastavałasia niezrazumiełym.
Amierykanskija vajskoŭcy paśpiešliva pakidajuć paŭnočnyja rajony Siryi. Da apošniaha tam raźmiaščałasia prykładna tysiača amierykanskich bajcoŭ Sił śpiecyjalnych apieracyj.
Kurdy abvinavacili ZŠA ŭ faktyčnaj zdradzie, kali prezident Tramp pastanaviŭ vyvieści amierykanskich vajskoŭcaŭ z zony, jakuju choča zaniać Turcyja.